6 мая 2015 г. – 80 гадоў з дня нараджэння Пятра Васільевіча Зарэцкага (1935–2013), мастака ў вобласці станковага і манументальна-дэкаратыўнага жывапісу, плаката і графікі
Пётр Васільевіч Зарэцкі нарадзіўся 6 мая 1935 года ў вёсцы Навіцкавічы (цяпер Камянецкага раёна Брэсцкай вобласці). З дзяцінства марыў стаць мастаком. Не хадзіў яшчэ ў школу, а ўжо маляваў. Калі не было алоўка, то замест яго выкарыстоўваў спаленую запалку. Школьнікам шмат маляваў, яго малюнкі бралі на раённыя і абласныя выставы. Калі заканчваў Камянецкую сярэднюю школу, то ўжо цвёрда ведаў: будзе толькі мастаком, самастойна рыхтаваўся да паступлення ў вучылішча.
5 сакавіка 2015 г. – 85 гадоў з дня нараджэння (1930) Міхаіла Андрэевіча Карпука, мастака кіно і тэлебачання, графіка, жывапісца
Міхаіл Андрэевіч Карпук нарадзіўся 5 сакавіка 1930 года ў вёсцы Мыкшыцы Брэсцкага павета (цяпер Расненскага сельсавета Камянецкага раёна Брэсцкай вобласці).
16 лютага 2015 г. – 115 гадоў з дня нараджэння Уладзіміра Сцяпанавіча Несцерука (1900–1991), ваеннага дзеяча, удзельніка Грамадзянскай, савецка-фінляндскай 1939–1940 гг. і Вялікай Айчыннай войнаў, генерал-маёра артылерыі, генерал-лейтэнанта артыл
Уладзімір Сцяпанавіч Несцярук нарадзіўся 16 лютага 1900 года ў вёсцы Бушмічы Брэсцкага павета Гродзенскай губерні (цяпер Камянецкага раёна Брэсцкай вобласці).
28 снежня 2014 г. – 100 гадоў з дня нараджэння Васіля Кірылавіча Шыкіна (1914–1998), мастака
Васіль Кірылавіч Шыкін нарадзіўся 28 снежня 1914 года ў вёсцы Царкоўнікі Брэсцкага павета (з 1964 г. – в. Зарачаны Войскага сельсавета Камянецкага раёна Брэсцкай вобласці) у вялікай (шасцёра дзяцей) сялянскай сям’і.
25 снежня 2014 г. – 75 гадоў з часу абвяшчэння Нацыянальным паркам «Белавежская пушча» (1939), дзяржаўнай прыродаахоўнай установы, якая ўключана ў Спіс сусветнай культурнай і прыроднай спадчыны ЮНЕСКА
Белавежская пушча – адзін з найстарэйшых запаведных лясных масіваў Еўропы. Гэты лес упамінаецца яшчэ ў Іпацьеўскім летапісе, датаваным 983 годам. Пушча перажыла многа цяжкіх момантаў – войны, паўстанні, зямельныя рэформы і гаспадарчую эксплуатацыю. На працягу гісторыі пераходзіла ад аднаго ўладальніка да другога.
11 лістапада 2014 г. – 300 гадоў з дня нараджэння Марціна Матушэвіча (1714–1773), грамадскага і дзяржаўнага дзеяча Рэчы Паспалітай, пісьменніка-мемуарыста, перакладчыка
Марцін Матушэвіч нарадзіўся 11 лістапада 1714 года ў вёсцы Ельня Берасцейскага павета (цяпер вёска Радасць Камянецкага раёна Брэсцкай вобласці) у сям’і шляхціча. Свой род Матушэвічы вялі ад Гедройцаў, як малодшая лінія старога княжага роду герба Лебедзь, але збяднелі і сталі мелкай шляхтай. Бацька Марціна Юзэф Матушэвіч вярнуў свайму роду дастойнае становішча, выкупіў маёнтак Расна, пабудаваў у 1744 годзе кальвінскі збор (сабор), у 1749 годзе – манастыр і пачаў будаўніцтва касцёла Святой Ганны (закончылі будаўніцтва Грабоўскія). Сваё дзяцінства Марцін Матушэвіч правёў у Расне.
21 верасня 2014 г. – 75 гадоў з дня нараджэння Васіля Аляксеевіча Жуковіча (1939), пісьменніка
Васіль Аляксеевіч Жуковіч нарадзіўся 21 верасня 1939 года ў вёсцы Забалацце Брэсцкага павета Палескага ваяводства (цяпер Камянецкага раёна Брэсцкай вобласці) ў вялікай сялянскай сям’і. Сярэднюю адукацыю атрымаў у Дзмітравіцкай сярэдняй школе, якую скончыў у 1957 годзе. Пасля школы два гады працаваў на заводзе будаўнічых матэрыялаў у Брэсце.
25 снежня 2014 г. – 90 гадоў з дня нараджэння (1924) Івана Сцяпанавіча Гулько, вучонага ў галіне медыцынскай рэабілітацыі, выдатніка аховы здароўя
Іван Сцяпанавіч Гулько нарадзіўся 25 снежня 1924 года ў вёсцы Вайская (цяпер у Камянецкім раёне Брэсцкай вобласці) у сялянскай сям’і. Пасля заканчэння сямігадовай школы паступіў у Брэсцкае дарожна-механічнае вучылішча, але вучоба была перарвана з-за Вялікай Айчыннай вайны.
2014 г. – 520 гадоў з часу атрымання (1494) г. Высокае магдэбургскага права і герба
Горад Высокае Камянецкага раёна Брэсцкай вобласці ўпершыню ўпамінаецца ў XIVст. пад назвай Высокі Горад, калі яго наведаў Вялікі князь Літоўскі Гедымін.
2014 г. – 605 гадоў з пачатку фарміравання (1409) запаведнага рэжыму ў Белавежскай пушчы
На зямлі ёсць нямала цудоўных тварэнняў прыроды, якія з’яўляюцца сімвалам цэлых краін. Для Беларусі такім сімвалам стала Белавежская пушча – адзін з самых старэйшых і тытулованных запаведнікаў у свеце, буйнейшы масіў старажытных лясоў з багацейшай флорай і фаўнай, адзін з важнейшых аб’ектаў прыроднай спадчыны Еўропы.